NORRÆNT-BALTNESKT LÖGREGLUSAMSTARF GEGN KYNBUNDNU OFBELDI

DANMÖRK, EISTLAND, FINNLAND, ÍSLAND, LETTLAND, NOREGUR

Meginmarkmið verkefnisins „Kynbundið ofbeldi á Norðurlöndum og í Eystrasaltsríkjum“ var að auka vitund fólks um ofbeldi karla. Verkefnið var fjármagnað af Norræna jafnréttissjóðnum og stóð yfir á árunum 2014-2015. Því var stýrt af Nordic-Baltic Network of Policewomen (NBNP), sem er samstarfsnet kvenna sem starfa hjá lögreglustofnunum á Norðurlöndum og í Eystrasaltslöndunum.

- Við vildum vekja athygli á þessum málum og auka við þekkingu innan lögreglunnar í viðkomandi löndum, sérstaklega þegar kemur að mansali, segir Inese Voloseviča.

Hún starfar sem lögreglustjóri í lettnesku lögreglunni og er stjórnarmaður í NBNP. Hún stýrði samstarfsnetinu árið 2015 þegar verkefninu um kynbundið ofbeldi var hrint í framkvæmd.

Innan ramma verkefnisins var haldin norræn-baltnesk ráðstefna í Ríga haustið 2015. Meðal þátttakenda voru lögreglumenn, ákvörðunarvaldhafar og fulltrúar frá ýmsum samtökum almennings.

- Þetta var mjög vel heppnað og við héldum margar góðar vinnustofur og fengum góða fyrirlesara. Forseti Lettlands, Vaira Vīķe-Freiberga, var meðal þátttakenda og hélt ræðu um mansal og jafnrétti kynjanna. Okkur fannst við hreyfa við fólki, segir Inese Voloseviča.

Innan ramma verkefnisins skipulagði NBNP einnig tvo dagskrárliði á ársfundi Kvennanefndar Sameinuðu þjóðanna (CSW) árið 2015. Fundurinn fer fram í New York og þar koma saman þúsundir þátttakenda hvaðanæva að úr heiminum.

- 350 manns komu til hlusta á erindi um norræn-baltneska samstarfsnetið okkar. Okkur kom þessi mikla þátttaka og áhugi á starfsemi okkar á óvart, segir Inese Voloseviča.

Hún segi að mikill alþjóðlegur áhugi sé á því hvernig lögreglan á Norðurlöndum og í Eystrasaltsríkjunum vinni gegn kynbundnu ofbeldi.

- Þetta er ekki bara vandamál hér, þetta er alþjóðlegt vandamál, segir hún.

Hún telur það mikilvægt að læra hvert af öðru á alþjóðlegum vettvangi í starfi gegn kynbundnu ofbeldi og hún sér sérstaklega sterk rök fyrir því að starfa saman innan Norðurlandanna og Eystrasaltsríkjanna. Þetta á ekki síst við í starfi gegn mansali þar sem glæpirnir eiga sér oft stað þvert yfir landamæri.

- Verandi nágrannar er afar mikilvægt að við eigum gott samstarf í þessum málum og að við vinnum á sömu línu, segir hún.