Assit Smyril Line. Martin Thaulow/Norden.org. Ólavur Frederiksen.
Piffinni allanngorartuni Nunat Avannarliit atassuteqartut qulakkeernissaat sulissutigaarput
Suliniutip taassuma siulittaasuutitaqartut pingaartitaannik aamma ukiumi siulittaasuutitaqarnermi 2026-mi ataatsimut anguniagaannik ersarissititsivoq. Nunani avannarlerni suleqatigiinnermi pimoorussilluarpugut aamma siulittaasuutitaqarnermi ingerlateqqinnissaanut qilanaarpugut.
Nunat Avannarliit Ministeriisa Siunnersuisoqatigiivini suleqatigiinneq nunani avannarlerni innuttaasunut naleqarluarpoq, piffissallu ingerlanerani nunap immikkoortuani pitsaalluinnartumik siuarsaasimavoq. Innuttaasunut inuiaqatigiinni annertuumik toqqissimanartumik aamma piujuartitsisumik iluaqutissanik pilersitsinikuuvoq. Kisianni aamma oqaluttuarisaanermi ukiut hunnorujulikkaat affaat sinnerlugit ineriartornerusimavoq. Nunat Avannarliit uninnganngillat, kisianni ineriartorlutillu siumut ingerlasimapput. Ineriartortuarnikkut nunani avannarlerni qitiutitap attattuarnissaanut taamaallaat periarfissaqarpugut. Ingerlaannassaagut aamma suleqatigiinnittalu ilutsimigut aamma imarisamigut pitsaasuunissaa qulakkeertuaannarlugu.
Nunarsuup allanngoriartornera ilutigalugu, nunat avannarliit atajuartumik aamma peqatigiillutik maanna unammilligassasnut piujuartitsisunik aaqqiissutinik nutaanik nassaarsinnaanerat aamma nunat avannarliit nunani tamalaani isumaannik erseqqissaanissaat pingaaruteqarpoq. Nunat Avannarliit: Piffinni allanngorartuni ataqatigiissut.
