Ministerit suleqatigiissut siulequtaat
Nunarsuarmi avannaamioqatigiit naleqatitaannik amerlanerusunik pisariaqartitsisoqarpoq. Ikinnerunngitsunik. Tassami nunatta immikkoortoqarfia immikkuullarissumik pisinnaavoq. Siulittaasuutitaqarneq Nunat Avannarliit arfineq-pingasut tamarmik suli qaninnerulersinnissaannut aamma ministeriuinerit Avannaamioqatigiit nunarsuarmi nunap immikkoortuini ataatsimoornerpaatut aamma piujuartitsinerpaatut takorluugaannut sammitinniarparput.
Ilaatigut politikkikkut suliassaqarfinnik aalajangersimasunik suliaqarnikkut, ilaatigut avannaamioqatigiit innuttaasuisa inuiaqatigiinni suleqatigiinnerisa pitsanngorsarnissaat qitiutinnerisigut. Nunat Avannarliit siullermik innuttaasunik avannaamioqatigiinnik inuttaqarput.
Nunat Avannarliit amerlasuutigut qanimut atassuteqarput. Kulturikkut kingornussassatigut pisuussuteqarnitsinni, attaveqaasersuutitsinni, inuiaqatigiit aaqqissuussaanitsinni, tamat oqartussaaqataaneranni aamma inuiaqatigiit nukittunerisigut tamanna atuuppoq. Tamakkut tamarmik piffissap ingerlanerani unammillerneqarsinnaapput, minnerunngitsumik nunarsuarmi tamarmik naalakkersuinermi ingerlatsinikkut eqqissiviilliornernit. Ruslandip Ukrainemut tamakkiisumik sakkutuuliinerata kingorna Nunat Avannarliit Ministeriisa Siunnersuisoqatigiivi aalajangerput, Avannaamioqatigiinni nutaamik aamma pingaarutilimmik inuiaqatigiinnut isumannaallisaanermik upalungaarsimanermillu suliamik aallartitsiniarlutik. Siulittaassuutitaqarnitsinni tamanna immikkut ukkatariniarparput.
Tamanna aamma demokratiitsinnut maangaannartinneqarsinnaanngitsumut atuuppoq. Eqqunngitsumik paasititsiniaanerup annertusiartortup tamat oqallinnerat sunneriartoraat aammalu atassusiinermut taarsiullugu katingassutaasoq unammillerniarsarigaa takusinnaavarput.
Nunat Avannarliit unammillersinnaassusaat tunngaviusumik nukittuvoq, kisianni suli nukittorsaqqinneqassaaq. Killilersuinerit aamma pisortatigut ingerlatsinerit annertusiartuinnartut suliffeqarfiit aamma aallarnisaasut tamakkiisumik periarfissaminnik angusaqanngitsoortittarpaat. Taamaattumik avannaamioqatigiit unammillersinnaassusaannik misissueqqissaarnermik aallartitsinikuuvugut, taassuma inerneri siulittaasuunitsinni saqqummiutissavagut. Tassanngaanniit inerniliussat aamma siulittaasuutitaqarneq suliarinissaannut qilanaaqaagut.
Nunat Avannarliit ataatsimoorpugut. Ataqatigiinnerlu qaqutigut taama pingaaruteqartigisarpoq.
Assit By-, Land- og Kirkeministeriet & Amy Hansen
