Formáli

Samvinna um menntamál, rannsóknir og tungumál er mikilvægur þáttur í samstarfinu á sviði ráðherranefndarinnar um menntamál og rannsóknir, MR-U, um viðbrögð við brýnum úrlausnarefnum á innlendum og alþjóðlegum vettvangi. Markmiðið er að norrænt samstarf stuðli að betri skilyrðum fyrir framúrskarandi menntun og rannsóknir.

Norðurlönd deila grunngildum, sterkri lýðræðishefð og sameiginlegri sögu en löndin eru þrátt fyrir það nógu mismunandi til að geta borið sig saman og lært hvert af öðru. Það er einmitt með samstöðunni sem við þróumst og stöndum sterkari.

Áskorunum samfélagsins verður ekki mætt án menntunar, rannsókna og tungumála og löndin hafa ekki bolmagn til þess hvert fyrir sig. Norrænt samstarf um menningarmál, inngildingu og atvinnulíf er einnig mikilvægt. Á þetta sérstaklega við um flókin samfélagsmál sem Norðurlönd geta bætt sig frekar í að takast á við: Stöndum við vel og skynsamlega að menntun með hagsmuni einstaklinga og samfélags að leiðarljósi? Getum við spáð fyrir um bestu úrlausnirnar og forgangsraðað með skýrum hætti? Nýtum við þau tækifæri sem er að finna í norrænu löndunum?

Samstarfsáætlun þessi vísar veginn fyrir norræna samstarfið og endurspeglar áherslur norrænu ráðherranna um skóla-, mennta- og vísindamál til ársloka 2030.

Samstarfsáætlunin er metnaðarfull. Hún sýnir fram á að norræna samstarfið skiptir máli og stendur traustum fótum. Hins vegar er nauðsynlegt að efla samstarfið enn frekar. Þau markmið sem við höfum sett fram endurspegla þess vegna þá ábyrgð okkar ráðherranna að skýra forgangsverkefni og leggja fram skýra stefnu fyrir öflugt samstarf. Við vonumst til að samstarfsáætlunin verði til þess að efla norrænt samstarf á öllum sviðum.

Lotta Edholm
skólamálaráðherra Svíþjóðar

Johan Pehrson
menntamálaráðherra Svíþjóðar

Karen Ellemann
framkvæmdastjóri Norrænu ráðherranefndarinnar