Pólitískar áherslur 2025–2030

Fjölmennt og hæft vinnuafl, sveigjanlegir vinnumarkaðir, góð starfskjör ásamt góðu og inngildandi vinnuumhverfi eru lykilatriði þess að skapa megi í senn græn, samkeppnishæf og félagslega sjálfbær Norðurlönd. Þessi markmið eru innbyrðis háð hvert öðru og einu þeirra verður ekki náð án hinn tveggja.

Á tímabili áætlunarinnar vill MR-A einnig beina sjónum að sjálfbærri þróun, jafnrétti og sjónarmiðum ungs fólks. MR-A vill taka mið af þessum og öðrum þverlægum áherslusviðum í verkefnum og starfsemi sinni í samstarfi við aðrar ráðherranefndir. 

Með hliðsjón af þessu hefur MR-A sett fram eftirfarandi meginmarkmið og undirmarkmið fyrir starfið á árunum 2025–2030 og miðast þau við þá framtíðarsýn að Norðurlöndin verði sjálfbærasta og samþættasta svæði heims árið 2030.