Markmið 4: Efla gott og öruggt vinnuumhverfi sem er lagað að núverandi og nýjum forsendum og kröfum sem vinnumarkaðurinn býður upp á

Öflugur vinnumarkaður krefst góðs vinnuumhverfis og skiptir máli fyrir einstaklinginn en einnig löndin sjálf því hann skapar skilyrði fyrir hagvöxt og fjármögnun velferðar­samfélaga Norðurlandanna. Hins vegar eru ýmsir þættir sem hafa áhrif á og breyta þeim vinnumarkaði sem við þekkjum.

Það er hvernig við vinnum störf okkar en einnig sköpun nýrra tegunda starfa. Á sama tíma er lögð mikil áhersla á sálfélagslegar áskoranir. Launafólk og atvinnurekendur þurfa að aðlagast nýjum skilyrðum og kröfum. Til að það megi takast þurfa aðlögunarferlin að vera réttlát, skilvirk og inngildandi.

Til að ná því takmarki að norrænn vinnumarkaður einkennist einnig í framtíðinni af góðu og öruggu vinnuumhverfi vill MR-A á næsta áætlunartímabili leggja sérstaka áherslu á að:  

Greiða fyrir góðu vinnuumhverfi á tímum sóknar blandaðs vinnuumhverfis, fjölgunar á starfsfólki í harkhagkerfinu, nýrra ráðningarkjara og lengri starfsævi.

Auka þekkingargrunn fyrir orsakir, eðli og viðbrögð við sálfélagslegum áskorunum tengdu skipulagi vinnuumhverfis á norrænum vinnumarkaði.

Efla þekkingu á tækifærum og áskorunum á norrænum vinnumörkuðum með aukinni stafvæðingu, þar á meðal notkun gervigreindar.

Greiða fyrir skilvirkum vinnuumhverfisstefnum og eftirlitsaðferðum sem fyrirbyggja starfstengda sjúkdóma, slys, dauðsföll og óásættanlegar vinnuaðstæður.