Markmið 3: Efla sanngjarna samkeppni og auka hreyfanleika vinnuaflsins með viðunandi kjörum og færri stjórnsýslu­hindunum á Norðurlöndum

Mikilvægur þáttur í samkeppnisfærni og aðlögunarhæfni Norðurlanda er sanngjörn samkeppni. Hún krefst viðunandi kjara á vinnumarkaði og frjálsrar farar starfsfólks. Þessu fylgja öflugar og samfelldar aðgerðir gegn stjórnsýsluhindrunum, brotastarfsemi á vinnumarkaði og félagslegu undirboði. Þróun og beiting hins einstaka þríhliða vinnumarkaðslíkans á Norðurlöndum er mikilvæg í þessu starfi. Sama á við um náið samstarf um ESB-mál þegar um er að ræða málefni sem varða Norðurlöndin öll og þegar þarf að skapa skilning og virðingu fyrir norræna vinnumarkaðslíkaninu svo og sjálfsákvörðunarrétti og hlutverki aðila þess.

Til þess að ná markmiðinu um sanngjarna samkeppni og aukinn hreyfanleika starfsfólks mun MR-A á næsta áætlunartímabili leggja sérstaka áherslu á að:

Efla aðgerðir gegn brotastarfsemi á vinnumarkaði og félagslegu undirboði yfir landamæri, meðal annars í norrænu-baltnesku samstarfsneti um brotastarfsemi á vinnumarkaði.

Greiða fyrir hreyfanleika starfsfólks milli Norðurlandanna, meðal annars með afnámi stjórnsýsluhindrana.

Tryggja jafnvægi milli verndar launafólks og sveigjanleika á vinnumarkaði, meðal annars með samstarfi um ESB- mál og við alþjóðlega aðila með virðingu fyrir því sérstaka hlutverki sem aðilar vinnumarkaðarins gegna.