Markmið 4: Stuðla að góðu og öruggu vinnuumhverfi sem lagar sig að þeirri þróun og þeim kröfum sem eru á vinnumarkaði í dag

Öflugur vinnumarkaður krefst góðs vinnuumhverfis sem skiptir máli fyrir einstaklinginn en einnig löndin sjálf, því hann skapar skilyrði fyrir hagvöxt og fjármögnun velferðar­samfélaga Norðurlandanna. Hins vegar eru ýmsir þættir sem hafa áhrif á og breyta þeim vinnumarkaði sem við þekkjum.

Þetta varðar hvernig við innum störf okkar af hendi en einnig tilkomu nýrra tegunda starfa. Á sama tíma er lögð mikil áhersla á sálfélagslegar áskoranir. Launafólk og atvinnurekendur þurfa að aðlagast nýjum aðstæðum og kröfum. Til að það megi takast þurfa umskiptin að vera réttlát, skilvirk og inngildandi.

Til að ná því takmarki að stuðla að góðu og öruggu vinnuumhverfi í framtíðinni MR-A á næsta áætlunartímabili leggja sérstaka áherslu á að:  

Stuðla að heilbrigðu vinnuumhverfi á tímum blandaðs vinnuumhverfis, vaxandi harkhagkerfis, sveigjanlegra ráðningarsamninga, nýrra ráðningarforma og lengri starfsævi.

Auka þekkingu á orsökum, eðli og viðbrögðum við sálfélagslegum áskorunum sem breytt vinnuumhverfi getur haft.

Efla þekkingu á tækifærum og áskorunum á norrænum vinnumarkaði í kjölfar aukinnar stafvæðingar, þar á meðal notkunar gervigreindar.

Greiða fyrir árangursríkum áætlunum í vinnuvernd og eftirlitsaðferðum sem fyrirbyggja starfstengda sjúkdóma, slys, dauðsföll og óásættanlegar vinnuaðstæður.