Markmið 1: Tryggja tímanleg og réttlát umskipti fólks á vinnumarkaði til að allir séu með og hafi þá hæfni sem þarf til að taka þátt í hinum grænu og stafrænu umskiptum

Líklegt þykir að græn og stafræn umskipti muni leiða til fækkunar starfa í sumum greinum en skapa um leið ný störf annars staðar. Mikilvægt er að beina þeim sem eiga á hættu að missa vinnuna yfir í aðrar greinar sem eru í vexti. Virk vinnumarkaðsstefna og fjár­festingar í færniþróun, starfsendurhæfingu og sí- og endur­menntun gegna mikilvægu hlutverki í þessum umskiptum. Vinnan að þessu markmiði skiptir ekki eingöngu sköpum um hvort græn og stafræn umskipti takist heldur gegnir hún einnig lykilhlutverki varðandi það að ójöfnuður aukist ekki.

Til að ná markmiðinu um að tryggja tímanleg og réttlát umskipti fólks á vinnumarkaði vill MR-A á næsta áætlunartímabili einkum leggja áherslu á að:

Efla þekkingu á því hvernig græn og stafræn umskipti hafa áhrif á norræna vinnumarkaði og færniþörf.

Flýta fyrir grænum og stafrænum umskiptum á vinnumarkaði, ekki síst utan stærri borga á Norðurlöndum.

Stuðla að símenntun og tækifærum til þróunar, meðal annars með því skapa betri tækifæri og hvata til að sækja sér starfsmenntun, í nánu samstarfi við viðkomandi málefnasvið.