Markmið 3: Norræn sjónarmið verða tryggð á svæðinu og alþjóðavettvangi
MR-SAM stuðlar að því að auka vitund um norræn gildi, reynslu og lausnir með stuðningi við sameiginleg norræn verkefni, jafnt heima fyrir sem á alþjóðavísu.
Undirmarkmið 3.1: Öflugra svæðisbundið samstarf og þekkingarskipti með lykilaðilum í löndunum, á svæðinu og á alþjóðavísu
Í gegnum verkefnastarfsemi, þekkingarskipti og náið samstarf við grannsvæði Norðurlanda, og að einhverju leyti valda heimshluta, er unnið að markmiðum framtíðarsýnarinnar utan Norðurlanda.
Undirmarkmið 3.2: Norræn gildi og lausnir verða kynntar í löndum utan Norðurlanda
Sem brautryðjendur varðandi græn umskipti, félagslega sjálfbærni og samkeppnishæfni stuðla norrænu löndin að því að auka vitund um norræn gildi, reynslu og lausnir á alþjóðavísu. Sendiráð norrænu landanna eru mikilvægur vettvangur vinnunnar við að efla rödd Norðurlanda alþjóðlega.