Markmið 1: Starfsemi Norrænu ráðherranefndarinnar stuðlar að Framtíðarsýn okkar 2030
MR-SAM tekur þátt í að bjóða upp á norrænar lausnir sem með beinum hætti hjálpa til við að leysa úrlausnarefni á Norðurlöndum, nýja þekkingu sem kallað er eftir og sem nota má við stefnumótun í norrænu löndunum og vettvanga fyrir norræna samvinnu til þess að tengja aðila á svæðinu betur saman.
Undirmarkmið 1.1: Framtíðarsýnin er aðalhvatinn í starfsemi ráðherranefndarinnar
Vinna fagsviðanna við samstarfsáætlanirnar og starfsáætlanirnar verður samræmd og henni fylgt eftir. Það verður meðal annars gert með því að styðja við og hvetja til samstarfs þvert á fagsvið og málefnasvið ásamt því að fylgja eftir þróun Norðurlanda í átt til þess að verða sjálfbært og samþætt svæði með hagtölum og vísum. Unnið verður áfram að innleiðingu hinna þverlægu sjónarmiða.
Undirmarkmið 1.2: Starfsemi ráðherranefndarinnar stuðlar að viðnámsþolnara og sjálfbærara svæði
Hvatt verður til öflugra norræns samstarf á sviði samfélagsöryggis, þar með talið almannavarna, afhendingaröryggis og viðnámsþols, innan fagsviða ráðherranefndarinnar. Eftirfylgni og skýrslugjöf um samstarf fagsviðanna og annað viðeigandi norrænt samstarf fer fram jafnóðum.
Undirmarkmið 1.3: Virði og árangur af starfsemi Norrænu ráðherranefndarinnar er ríkisstjórnunum og opinberum aðilum skýr
Samskiptaaðgerðir innan Norðurlanda sem utan þeirra verða auknar og miðaðar við markmið framtíðarsýnarinnar. Umræður á norrænum vettvangi verða auknar og vægi norrænna sjónarmiða innan ríkisstjórna landanna aukið og tryggt.