Markmið 2: Öflug og virk réttarríki og lýðræði á Norðurlöndum
Félagslega sjálfbær Norðurlönd
Tryggja ber réttaröryggi allra borgara og fyrirtækja á Norðurlöndum og gæta grundvallarréttinda allra.
Öflugt og virkt réttarríki er forsenda trausts og samheldni í löndunum og þarf þess vegna að vera í brennidepli eins og áður.
Undirmarkmið 2.1
Að bæta þekkingu og skilning á afleiðingum aukinnar stafvæðingar í því skyni að auka skilvirkni í málsmeðferð stjórnvalda og dómstóla, t.d. með aðstoð gervigreindar, með það í huga að treysta og efla réttaröryggi borgara og fyrirtækja á Norðurlöndum.
Undirmarkmið 2.2
Að tryggja réttaröryggi allra borgara á Norðurlöndum og gæta grundvallarréttinda, svo sem jafnréttis kynjanna og réttinda barna og ungmenna.
Undirmarkmið 2.3
Að styðja viðleitni til að efla réttaröryggi og lýðræði með það í huga að treysta réttarkerfið og viðnámsþrótt lýðræðisins ásamt því að efla hlutdeild almennings í hvoru tveggja.