Innrás Rússa í Úkraínu olli grundvallarbreytingu á öryggisjafnvæginu í Evrópu. Vegna umsvifa Rússa og verri stöðu öryggismála í Evrópu hafa Finnland og Svíþjóð sótt um inngöngu í NATO. Möguleg NATO-aðild Finnlands og Svíþjóðar skapar nýja stöðu og nýja möguleika fyrir norrænt samstarf á sviði varnar- og öryggismála.
Fjölþáttaógnir, netárásir, falsfréttir og áhrifaaðgerðir eru alvarleg og vaxandi ógn á Norðurlöndum og öllum heiminum. Sem afar stafræn, opin og lýðræðisleg samfélög eru Norðurlöndin sérstaklega viðkvæm fyrir þessum ógnum.
Kórónuveirufaraldurinn sýndi að þörf er á auknu norrænu samstarfi í viðbúnaðarmálum. Norðurlandaráð lýsti í áætlun sinni um samfélagsöryggi (2019) eftir röð ólíkra aðgerða til að bæta norrænt samtarf um samfélagsöryggi. Til að stuðla að öryggi á Norðurlöndum þarf góð samskipti milli aðilanna á svæðinu. Norræna líkanið er einnig grundvöllur samfélagsöryggis. Til að tryggja það gegnir stöðugur efnahagur mikilvægu hlutverki.
Vera lifandi vettvangur fyrir þingumræður um varnar- og öryggismál og samfélagsöryggi/heildarvarnir á Norðurlöndum. Við þurfum að vinna að því að byggja upp sérþekkingu um varnar- og öryggismál og læra af reynslu alþjóðlegra samstarfsaðila okkar.
Efla hlutverk þjóðþinganna í norrænu samstarfi um varnarmál, meðal annars með árlegum pallborðsumræðum með NORDEFCO.
Standa fyrir umræðum um hlutverk Norðurlanda og stöðu þeirra í varnarbandalaginu NATO með áherslu á friðarstillandi hlutverk þeirra og mannréttindastarf.
Að öryggi Eystrasaltssvæðisins, norðurslóða og Norður-Atlantshafs verði sett ofarlega á dagskrá í alþjóðlegu samstarfi og í viðræðum við Eystrasaltsþingið og aðra samstarfsaðila.
Standa vörð um norðurslóðir og Norður-Atlantshafið sem svæði þar sem lítil spenna ríkir í öryggismálum, stuðla að því að samstarf um norðurslóðir haldi áfram að vera uppbyggilegt og standa vörð um réttindi frumbyggja.
Að Norðurlöndin efli samstarf sitt um utanríkis-, varnar- og öryggismál, þar á meðal um almannavarnir sem stuðla að almannaöryggi. Norrænt samstarf í varnarmálum ógnar engum, en stuðlar að stöðugleika og öryggi á svæðinu.
Að ríkisstjórnirnar á Norðurlöndum meti hvort endurskoða þurfi Helsingforssamninginn svo að hann taki mið af stöðu utanríkis- og öryggismála í dag.
Að Norðurlöndin efli samstarf sitt um samfélagsöryggi, heildarvarnir og viðkvæma innviði.
Að Norðurlöndin vinni saman með skilvirkum hætti í öllum alþjóðlegum stofnunum og séu tilbúin til að leggja sitt af mörkum til hættustjórnunar þegar þörf krefur.
Vinna að því að Norðurlöndin færi samstarfið um hreina og endurnýjanlega orku og orkuöryggi upp á annað stig og kanni hvernig halda má áfram að samþætta og auka norrænt orkuöryggi og almennan viðbúnað.
Vinna að því að norræn stefna um netöryggi verði tekin upp.
Að Norðurlönd nýti í auknum mæli tækifærin sem felast í að markaðssetja Norðurlönd sem eina heild á alþjóðavísu. Ekki ríkir nægileg vitneskja um kosti norræns samtarfs á alþjóðavettvangi og samnorrænu kynningarstarfi meðal norrænu ríkisstjórnanna.
Að ríkisstjórnirnar á Norðurlöndum meti hvort þörf sé á því að Norræna ráðherranefndin styðji í auknum mæli samstarf norrænu landanna um utanríkis- og varnarmál, samfélagsöryggi, viðbúnað og heildarvarnir, til dæmis með rannsóknum og öðrum leiðum.