Fjárhagsrammi Norrænu ráðherra­nefndarinnar 2025

Fjárhagsrammi Norrænu ráðherranefndarinnar á árinu 2025 nemur samtals 1.070.387 þúsundum danskra króna og er hann óbreyttur að raungildi miðað við fjárhagsáætlun ársins 2024.

Rammann er hægt að sundurliða á eftirfarandi hátt:

Vegna umreiknings í fjárhagsáætlun ársins 2025 koma til verðbætur að fjárhæð 21.817 þús.DKK sem samsvara um 2,0% hækkun fjárhagsáætlunarinnar. Umreikningur fjárveitinga til stofnana úr gjaldmiðli þeirra í danskar krónur felur í sér lækkun á fjárhagsáætlun að fjárhæð -6.830 þús.DKK. Þó ber að undirstrika að þetta hefur engin raunveruleg áhrif á umfang fjárhagsáætlunarinnar (og framlög landanna) eða upphæð fjárveitinga til stofnana. Gengi gjaldmiðla er eingöngu notað til að umreikna fjárveitingar til stofnana, sem greiddar eru út í gjaldmiðli búsetulandsins, yfir í danskar krónur.

Norræna ráðherranefndin er formlegur samstarfsvettvangur norrænu ríkisstjórnanna. Starfsemi Norðurlandaráðs byggist á Helsingforssamningnum frá 1971. Formennska í ráðherranefndinni færist árlega milli landanna. Svíþjóð tekur við formennsku af Íslandi á árinu 2025. Norrænu samstarfsráðherrarnir (ráðherranefndin MR-SAM) hafa með höndum skipulag samstarfsins. Auk þess fer samstarfið fram í ellefu fagráðherranefndum. Skiptingu fjárveitinga milli ráðherranefndanna má sjá á töflunni á næstu blaðsíðu.

Í framhaldi af nútímavæðingarferlinu Ný Norðurlönd 1.0 var almennu ákvæði bætt inn í fjárhagsáætlunina 2017 sem gefur kost á pólitískum tilfærslum á fé við sérstakar aðstæður. Hugsunin að baki ákvæðinu er sú að komi sérstakar aðstæður upp sem kalla á breytingar á fjárhagsáætlun eigi að vera pólitískt hægt að bregðast við breyttum þörfum. Ákvæðið veitir samstarfsráðherrunum umboð í sérstökum tilvikum og innan þeirra eigin ramma til að færa fé milli fjárhagsliða. Ákvæðið gerir einnig samstarfsráðherrunum kleift í sérstökum tilvikum og að fenginni tillögu frá viðkomandi ráðherranefnd til að samþykkja tilfærslu á fé innan fjárhagsramma annarra fagsviða. Ákvæðinu skal beitt í samráði við Norðurlandaráð.