Markmið

Við skilgreinum árangur af samskiptastarfi Norrænu ráðherranefndarinnar eftir þremur meginþáttum:

Sýnileiki
Í gegnum samskiptastarfið sýnir Norræna ráðherranefndin frumkvæði sem stefnumarkandi aðili og í samstarfi við stofnanir og skrifstofur sínar og aðra aðila vinnur hún að markvissum aðgerðum sem ætlað er að gera framtíðarsýnina 2030 að veruleika.

Í samskiptastarfinu endurspeglast grunnstefin í samstarfsáætlunum og pólitískum áherslum hvers fagsviðs.

Notagildi
Við sköpum norrænt notagildi og ávinning með breiðari skírskotun og setjum landsbundna umræðu í norrænt samhengi.

Við fjöllum um norrænan virðisauka á Norðurlöndum og á alþjóðavísu. Við setjum málefni á dagskrá með því að bjóða til og taka þátt í umræðu út frá ólíkum sjónarhornum og koma á framfæri gagnlegum upplýsingum studdum gögnum.

Þátttaka
Við eigum í opnu samtali við samfélögin á Norðurlöndum og í alþjóðlegu tilliti.

Við skipum Norrænu ráðherranefndinni stöðu sem samstarfsvettvang. Það gerum við með samskiptastarfi sem er upplýsandi og hvetur til þátttöku, jafnt innan Norðurlanda sem annars staðar í veröldinni.