Markhópar

Norræna ráðherranefndin starfar á vegum ríkisstjórna á Norðurlanda að því að skapa norrænt notagildi og virðisauka.

Samskiptin eiga að vera upplýsandi og gagnsæ og hvetja þannig til almennrar þátttöku í norrænu samstarfi. Norræna ráðherranefndin hyggst ná eyrum alls almennings án tillits til aldurs, kyns, uppruna eða annarra þátta með aðstoð menningarstofnana sinna og borgarasamfélagsins.

Norræna ráðherranefndin er vettvangur fyrir norrænar ríkisstjórnir til að skapa notagildi og ávinning fyrir Norðurlönd

Til að Norðurlandabúar fái notið þessa ávinnings höfum við skilgreint tiltekna markhópa sem eru í góðum tengslum við almenna borgara og hjálpa okkur að koma skilaboðunum áfram. Þannig getum við náð til borgara í öllum kimum Norðurlanda. Helstu markhópar:

Stefnumótunaraðilar og embættismenn
Aðilar sem bæði móta verkefni Norrænu ráðherranefndarinnar og taka þátt í hinu daglega samstarfi. Þetta eru meðal annarra ráðherrar, þingmenn og embættismenn.

Opinberir lykilaðilar
Samtök sveitarfélaga, stjórnendur bæja og sveita og fagaðilar sem nýta sér norrænar skýrslur og þátttöku í og vitneskju um verkefni sem Norræna ráðherranefndin fjármagnar.

Aðilar að ákvörðunartöku
Fulltrúar frá atvinnulífinu, fræðasviðinu, menningargeiranum, hagsmunasamtökum og aðilar borgarasamfélagsins sem fyrir hönd norrænna borgara nýta sér þekkingu um pólitíska starfsemi og útgáfur sem og þekkingu á og þátttöku í verkefnum sem fjármögnuð eru af Norrænu ráðherranefndinni.

Alþjóðlegir aðilar
Samskiptastarfinu er ætlað að koma á samræðum við alþjóðasamfélagið um norrænar og hnattrænar áskoranir. Í samstarfi við hið norræna tengslanet kynnum við umheiminum hin norrænu gildi.

Norrænir og alþjóðlegir fjölmiðlar
Norræna ráðherranefndin tekur virkan þátt í opinberri umræðu þar sem norrænn ávinningur hlýst af frásögnum um árangur hvað varðar framtíðarsýnina 2030.

Norræna ráðherranefndin
Hér er átt við skrifstofuna, stofnanirnar, landsskrifstofur og aðra norræna samstarfsaðila. Hér er starfsfólkið í meginhlutverki við að koma á framfæri þekkingu og upplýsingum um markmið samvinnunnar auk þess að efla norræna samkennd.